What's new

Welcome!

ஹாய் டார்லிங்ஸ்! வெல்கம் டூ எமி தீப்ஸ் நாவல்ஸ் சைட்! இணைந்திடுங்கள் & மகிழ்ந்திடுங்கள்!

SignUp Now!

KD

Administrator
Staff member
Joined
Jul 10, 2024
Messages
498
அத்தியாயம் நூற்றி பதினாறு

ஒரே நாளில் ஆப்ரேஷன் நடந்து முடிய அறுவை சிகிச்சைக்குப் பின்னான முதல், இரண்டு வாரங்களுக்கு குஞ்சரி ரொம்பவே கஷ்டப்பட்டாள்.

தற்காலிகமான வலியையும் வீக்கத்தையும் எதிர்கொண்டவளுக்கு தீரா பிணியாகி போனது என்னவோ அந்த ஒற்றைத் தலைவலி மட்டுமே.

ஆப்ரேஷன் முடித்தவளை மருத்துவர் கண்டிப்பாக காரை தொடக்கூடாது என்று கட்டளையிட்டிருந்தார், முதல் சில மாதங்களுக்கு மட்டுமே.

காரணம் கார் சீட்டில் குஞ்சரி அமர பின்முதுகில் பொருத்தப்பட்ட சாதனமானது, வலியை ஏற்படுத்தாத போதிலும் அது அவளுக்கு அசௌகரியத்தை ஏற்படுத்தும் என்பதாலேயே இந்த ரூல்.

மருத்துவமனை நர்ஸ் ஒரு வாரம் பெயிட் கேர் டேக்கராக வர, அ முதல் ஃ வரை குஞ்சரிக்கு எதை எப்போது எப்படி செய்ய வேண்டும் என்பதில் தொடங்கி, உணவுகள் மற்றும் பிஸிக்கல் ஆக்டிவிட்டிஸ் வரை ஒன்றுவிடாது கேட்டறிந்து கொண்டாள் ரீசனின் ஜெராக்ஸ் காப்பி.

குஞ்சரியின் பின்புறத்திலிருக்கும் ஸ்டிமுலேட்டருக்கு நேரத்துக்கு ஏற்றாற்போல உணவளிக்க வேண்டும். வேறென்ன மின்சார சாதனத்திற்கு கைமாத்தாய் கொடுத்திட முடியும் சார்ஜிங்கை தவிர.

கீத்து நேரம் கிடைக்கும் போதெல்லாம் தவறாது சார்ஜரை சார்ஜ் செய்தாள். சார்ஜர் பொருட்கள் எல்லாவற்றையும் குஞ்சரியின் அறைக்குள்ளேயேப் பத்திரப்படுத்தினாள்.

அறைக்குள்ளேயே குஞ்சரியை வீல்சேரிலிருந்து எழ வைத்தாள். கைத்தாங்கலாக அவளோடு நடந்தாள். பள்ளி முடிந்து வந்த அடுத்த ஒரு மணி நேரத்தில் கீத்துவின் பிழைப்பு குஞ்சரியின் அறையில்தான்.

சீனியர் என்றழைத்து எதையெல்லாம் சாதிக்க முடியுமோ அத்தனையையும் பட்டியல் போட்டு செயல்படுத்தினாள் கீத்து.

வாரத்தில் இருமுறை பார்க் கூட்டிப்போனாள் குஞ்சரியை. அங்கேயும் கைத்தாங்கலாக நடக்க வைத்தாள் தாயவளை. கைத்தடி வாங்கிக் கொடுத்தாள். அதன் துணையோடு எழுந்து நிற்க கற்றுக் கொடுத்தாள்.

பிஸியோதெரப்பிஸ்ட் கிளாஸ் சம்பந்தமான ஷார்ட் கோர்ஸுகளை ஆன்லைனில் தேடிப் பிடித்து படித்தாள். அவள் வயதுக்கு மீறிய ஆற்றலும் புத்தியும் கடவுள் கொடுத்த வரப்பிரசாதமே!

குஞ்சரியின் பாதங்களைப் பிடித்து மூலிகை எண்ணெய்கள் தடவி விட்டாள். அம்மா அவளைக் குப்புற போட்டு அப்பனைப் போலவே பின்முதுகில் மிருதுவாய் லோஷன் கொண்டு மசாஜ் செய்தாள்.

அப்பாவின் டைரியை தூக்கி மறைத்து வைத்தாள். அதைத் திறந்து படிக்க மனம் ஏனோ, குஞ்சரி மகளுக்கு வரவில்லை. ஆங்கில நாவல்களை ஆன்லைன் மூலம் வாங்கிக் குவித்தாள்.

அம்மாவை கேண்டி க்ரஷ் போன்ற விளையாட்டுகளை மீண்டும் விளையாட சொல்லி அலைபேசியில் இன்ஸ்டால் செய்துக் கொடுத்தாள். பழைய சோசியல் மீடியா அக்கவுண்ட்ஸ் எல்லாவற்றையும் முடக்கி புதுசுகளைத் திறந்து கொடுத்தாள்.

நாள் தவறாது ஒருமுறையேனும் ஒரு படம் பிடித்தாள். இன்ஸ்டா ரீல்ஸ் செய்தாள். பேஸ்புக்கில் லைவ் செய்தாள். எல்லாமே குஞ்சரியின் நோயான பரப்லேஜா (paraplegia) பற்றிய பேச்சுக்களே.

குட்டி தினாவை அடிக்கடி வீட்டிற்கு தூக்கி வந்தாள். குஞ்சரியின் மடியில் அமர்த்திக் கதை பேசினாள். மம்மிக்கு பேடிக்யூர் மெடிக்யூர் எல்லாம் செய்துவிட்டாள்.

குஞ்சரி வெறுமனே அமைதியாக இருந்தாலுமே அவளாகவே ஏதாவது பேசிக்கொண்டே இருந்தாள். பெத்தவள் பார்க்காத போதிலும் அவளோடு அமர்ந்தே படம் பார்த்தாள்.

படியேறிட வைத்தாள், ஒரு மீட்டர் அளவில் நடக்க வைத்தாள், காலுக்கான பயிற்சிகளைச் செய்ய வைத்தாள், ட்ரெட்மில்லில் நிற்கவைத்து பொத்தானை தட்டி விட்டாள், ஜன்னலை பிடித்து நிற்கவைத்தாள்.

மெல்லிய பிஸிக்கல் மூமெண்ட்ஸ் குஞ்சரியின் இடைக்கு கீழான பாகங்களைக் கொஞ்சங் கொஞ்சமாய் அதன் இயல்புக்கு கொண்டு வந்தது.

நியூரோபிளாஸ்டிசிட்டியால் (neuroplasticity) இதுநாள்வரை வலி என்றால் என்னவென்றே தெரியாமல் கிடந்த குஞ்சரியின் இடைக்கு கீழான ஆப்ரேஷனுக்கு பிறகு, மாபெரும் மாற்றம் அவளுக்குள் நிகழ்ந்தது.

அதுதான் நரம்பியல் மாற்றங்கள். அதாவது, நேற்றுவரை அசைக்க முடியாமல் கிடந்த பாகங்கள் எல்லாம் இன்றைக்கு அசைவுகொள்ள, மூளையோ குழப்பம் கொண்டு அதன் திறனை மறுசீரமைப்பு செய்து, புதியதொரு கட்டமைப்பு உருவாக்கிக் கொண்டது.

செயல்பாட்டில் மாற்றம் எழ நரம்புகளோ, அதன் பாதைகளில் மாற்றங்களை ஏற்படுத்திக் கொண்டன. குஞ்சரியின் செயல்களை சரிவர உள்வாங்கி அவளுக்கு ஒத்துழைத்தன.

வாய் நிறைய நொடி பொழுதும் சீனியர் என்றாலும் கீத்துவிற்கு தாய்தானே குஞ்சரி. ஆகவே, குஞ்சரி விரும்பாத போதும் தேர்வு முடிவுகளைக் கொண்டுவந்து அவளிடம் காட்டினாள் கீத்து. கிட்சன் கூட்டிப்போய் நூடுல்ஸ் செய்துக் கொடுக்கசொல்லி ரீசனை போலவே அடம்பிடித்தாள்.

குஞ்சரிக்கு பொட்டு வைத்தாள், பூ வைத்தாள், லிப்ஸ்ட்டிக் போட்டு அழகு பார்த்தாள். காலையில் அடித்து எழுப்பி சிம்பிளான யோகா பொசிஷன்ஸ் செய்யவைத்தாள். அவளும் உடன் சேர்ந்துசெய்தாள்.

இப்படி கணக்கு வழக்கில்லாமல் ஏறக்குறைய மூன்று மாதங்களுக்கு திருமதி தீனரீசனைப் படுத்தி எடுத்துவிட்டாள் கீர்த்திகா தீனரீசன்.

லேடி பீஸ்டின் பிக் பாஸ் நான்❤️
 

Author: KD
Article Title: அத்தியாயம்: 116
Source URL: Amydeepz-https://amydeepz.com
Quote & Share Rules: Short quotations can be made from the article provided that the source is included, but the entire article cannot be copied to another site or published elsewhere without permission of the author.
Top