அத்தியாயம்: 38

[KD]

அத்தியாயம் 38​

இரவாகியும் உண்மை அறியாமல் விசாகா வீடு திரும்பிட நள்ளிரவு ஒன்று.

முதல் படத்தை வெற்றிகரமாக பார்த்து முடித்த ஜோடிகள் இருவரும் அடுத்த படத்தையும் பார்த்திட ஆரம்பித்திருந்தனர்.

கொரிக்கவும் குடிக்கவும் இன்ஸ்டண்டாக அறையின் பிரிஜுக்குள் என்ன இருந்ததோ அதை கொண்டே இரவை தாண்டிய சப்பரை இருவரும் கடத்தியிருந்தனர்.

நன்றாய் போய் கொண்டிருந்த ஆங்கில படத்தில் வரவேண்டிய அவசியமான காட்சியொன்று வந்தே தீருவேனென்று வந்து தொலைய, விசா மற்றும் பேபி சீட்டர் இருவரின் முகமும் ஆளுக்கு ஒரு பக்கமாய் கோணியது.

ஆணவனோ சமாளிப்பாய் அலைபேசியில் பார்வைகளை செலுத்த, பக்கத்திலோ சிறு விசும்பல். தலையை திருப்பாது தாழ்த்திய விழிகளை மட்டும் ஹீரோ லெஃப்ட் திருப்ப திருமதியற்றவளோ சத்தமில்லாமல் வழிந்த கண்ணீரை துடைத்துக் கொண்டிருந்தாள்.

ஆணவன் வாய் திறக்கும் முன் முந்திய மானினியோ சோபாவிலிருந்து எழுந்துக் கொண்டாள்.

''பார்ட்னர்.. நான் இன்னைக்கு என் ரூம்லே போய் படுத்துக்கறேன்..''

''ஹ்ம்ம்.. சரி..''

என்றவனோ மீண்டும் டிவியில் மிழிகளை பதித்தப்படி அறையின் கதவை நோக்கி பயணித்தவளை கேள்வியால் நிறுத்தினான் ஹீரோ அவன்.

''பையன்..''

''அவன் இங்கையே இருக்கட்டும் பார்ட்னர்.. நான் கொஞ்சம் தனியா இருக்க போறேன்..''

என்றவள் குனிந்த தலையோடு சொல்லி கால்களை நனைத்த கண்ணீரை துடைக்காது நிற்க, சடீரென்று அவளின் மணிக்கட்டை இறுக்கி பற்றியவனாய் பாவையவளை நடத்திக் கொண்டு போனான் ஹீரோ அறையின் பால்கனி நோக்கி.

அவன் இழுக்க வாய் மூடி தொடர்ந்தவளோ,

''எப்படி இருந்தாலும் அங்க போயும் அழத்தான் போறீங்க பார்ட்னர்.. அப்பறம் எதுக்கு அங்க போயிக்கிட்டு.. பேசாமே இங்கையே உட்கார்ந்து எவ்ளோ நேரம் வேணுமோ அவ்ளோ நேரம் அழுங்க.. தனியா.. ஓகேவா பார்ட்னர்..''

என்றவனோ சிரிப்பின் ஊடே சொல்லி சுந்தரியவளை அங்கிருந்த மரத்திலான அழகு நாற்காலியில் அமர்த்திய அடுத்த நொடி அறைக்குள் நுழைந்து பால்கனி கதவினை இழுத்து மூடிட முனைந்தான்.

ஆனால், ஆணவனின் இழுப்பை தடுத்தது தாரகையின் இடக்கையிலான உள்ளங்கை.

''என்ன ஒரு கிஸ் பண்றிங்களா..''

என்று கேட்ட அபலையோ அவனையே வெறிக்க பார்க்க வார்த்தைகளற்ற வேதனையில் ஆர்ப்பரித்த கண்ணீர் அருவியை துடைக்காது, வினாவின் காரணகர்த்தாவோ எதுவுமே சொல்லாது அமைதி காத்து பால்கனி கதவினை மீண்டும் ஒருமுறை இழுத்து மூட பார்க்க,

''எனக்கு தெரியும்.. கண்டிப்பா நீங்க மாட்டிங்கன்னு..''

என்றவளின் அழுகுரல் கொண்ட வார்த்தைகளின் முடிவினில் மாதங்கியவளை ஏறெடுத்து நோக்கியவனை வீங்கிய விழிப்படலங்கள் நோக்க சொன்னாள் சுந்தரியவள்.

''யூஸ்ட் பீஸ் தானே நானு.. அதான்..''

என்றுச் சொல்லி மறுபடியும் பழைய குருடி கதவை திறடி என்றவள் ஆரம்பிக்க, ஹீரோவோ விலோசனங்களை மூடி திறந்தான் மேல் உதட்டை கொண்டு கீழ் உதட்டை மடக்கிட.

''ஒருத்தன் பொண்டாட்டின்னு நினைச்சு மொச்சு மொச்சின்னு கொடுத்தான்! அனுபவிக்கவே முடியலே! இல்லே.. தெரியலே முதல் தடவே நடந்ததே! அதை விடுங்க! அப்பறம் கட்டிக்கிட்டவன் வெறுப்பா கூட நெருங்கலே! முத்தங்கொடுக்க வேண்டிய வாய் என்னவோ அவன்கிட்ட வங்கானதெல்லாம் மொத்துதான்! இதுலே எங்கிருந்து நான் முத்தத்தே அனுபவிக்கறது!''

என்றவளோ தொடர்ந்து முடிந்து போன புராணங்களை பாடிட, பேபி சீட்டர் ஹீரோவோ நெற்றியோரத்தை விரல்களால் தேய்த்து நின்றான் பாவப்பட்டவளுக்கு எப்படியான ஆறுதலை சொல்லி சமாதானப்படுத்துவதென்று தெரியாமல்.

''எல்லாம் என் தலையெழுத்து! இப்படித்தான் ஏமாந்து போகணும்னா வேறென்னே செய்யறது!''

என்றவளோ குறுக்கிய கால்களை கட்டியணைத்தப்படி மெதுவாய் நயனங்களை மூடினாள்.

மணி சரியாக விடியற்காலை இரண்டரை.

நல்லுறக்கத்தில் இருந்த இயமானியின் கன்னத்தை பிஞ்சு காலொன்று மெதுவாய் உதைக்க கண் விழித்தாள் காரிகையவள்.

ஹீரோதான் பால் குடித்து முடித்த குழந்தையை தூக்கிக் கொண்டு வந்திருந்தான் துயில் கொண்டிருந்த அவன் மம்மியை எழுப்பிட.

''சார் பால் குடிச்சாச்சு.. தூங்கறதுக்கு முன்னாடி அம்மாக்கிட்டருந்து என்னவோ வாங்கணுமாம்.. அதான் தூக்கிட்டு வந்தேன்..''

என்றவன் சிறு புன்னகையோடு அவள் எதிரில் நிற்க,

''என்ன.. எனக்கு புரியலே..''

என்ற பெற்றவளோ புரியாது விழித்தாள் ஆணவனின் புதிர் பேச்சு புரியாது.

''கொடுங்க பார்ட்னர் முத்தம்.. உங்க பிரின்ஸ்க்கு..''

என்றவனோ நீட்டினான் சிணுங்கி முறுவல் கொண்ட சிசுவை தாய் விசாகாவிடத்தில்.

''நான் உங்கக்கிட்ட கேட்டதும்.. பையனுக்கும் கொடுக்கறதும் ஒன்னா பார்ட்னர்..''

என்றவளோ எதார்த்தமான உறவில் உருவாகிய குழந்தையை நெஞ்சோடு ஒட்டியப்படி விரக்தி மிக்க நக்கல் கொள்ள,

''அன்புக்கு அளவுகோல் இல்லே விசா.. எப்படி ஒவ்வொருத்தரோட டி.என்.ஏவும் தனித்துவமானதோ அதே மாதிரித்தான் ஒருத்தர் இன்னொருத்தர் மேல வைக்கறே பாசமும்..''

என்றவனோ அவளின் முன் மண்டியிட்டு அமர்ந்தப்படி தொடர்ந்தான்.

''நேசத்தோட ஆழத்தே உணர நாமே முத்தங்கொடுத்துக்க வேண்டிய அவசியமில்லே பார்ட்னர்.. நீங்க பையனுக்கு கொடுத்தாலே போதும் அவனோட சின்ன சிணுங்கல்லே ஒரு நிஜமான முத்தத்தை வெளிப்படுத்தின திருப்தி உங்களுக்கு கிடைக்கும்..''

என்றவனோ வாஞ்சையாய் வதனியின் இடக்கண் உதிர்த்த கண்ணீரை பெருவிரலால் துடைக்க, அவனையே இமைக்காது பார்த்தாள் பூவையவள்.

''நம்புங்க பார்ட்னர்.. கொடுங்க.. யாருக்கும் கெடுதல் நினைக்காத உங்க அன்புக்கு கடவுள் கொடுத்த பரிசான லிட்டில் பிரின்ஸ்க்கு ஒரு உண்மையான முத்தம்..''

என்றவனின் நம்பிக்கையான வார்த்தைகளில் காரிகையின் காதில் மட்டுமல்லாது நெஞ்சத்திலும் தேன் பாய்ந்தது.

தாமரையாய் தலை கவிழ்ந்த விசாகாவோ அவள் பெற்ற குழந்தையின் நெற்றியில் பதித்தாள் ஆத்மார்த்தமான நீண்டதொரு இதழ் முத்தம்.

பீஸ்ட்டின் பிக் பாஸ் நான்..

முந்தைய அத்தியாயங்களை படிக்க:

https://amydeepz.com/forums/%E0%AE%B2%E0%AF%87%E0%AE%9F%E0%AE%BF-%E0%AE%AA%E0%AF%80%E0%AE%B8%E0%AF%8D%E0%AE%9F%E0%AF%8D%E0%AE%9F%E0%AE%BF%E0%AE%A9%E0%AF%8D-%E0%AE%AA%E0%AE%BF%E0%AE%95%E0%AF%8D-%E0%AE%AA%E0%AE%BE%E0%AE%B8%E0%AF%8D-%E0%AE%A8%E0%AE%BE%E0%AE%A9%E0%AF%8D.8/