நீயே கண்டுபுடி!

[KD]

அனிதா அரக்க பறக்க மூட்டை முடிச்சுகளை கட்டிக் கொண்டிருந்தாள்.

''என்னடி, எங்கே கிளம்பறே இவ்ளோ அவசரமா?!''

''கிளம்பறேன்தான் ஆனா, இப்போ இல்லே! இன்னும் ரெண்டு நாள்லே! கடைசி நிமிஷத்துலே எதையாவது மறந்து விட்டுட்டா?!''

கவனத்துடன் கூடிய பேரானந்தம் ஆயிழையின் விழிகளில் ஊஞ்சலாடின.

''சரி! எங்க போறே?! அதை முதல்லே சொல்லு!''

''என் ட்ரீம் வேர்ல்ட்டுக்கு!''

அனிதா கரங்கள் ரெண்டையும் அகல விரித்து காற்றில் ஏகாந்தம் சுகித்தாள்.

''அடியே! உன்னே கொல்ல போறேன் பாரு! எங்க போக போறேன்னு கேட்டா இப்போதான் ஏசுநாதர் மாதிரி கையே நீட்டிக்கிட்டு உளறிக்கிட்டு கெடக்கறே!''

மஞ்சுவின் கடுப்பிலான ஆதங்கத்திற்கு முற்றுப்புள்ளி வைத்தாள் அனிதா.

''கொசுவர்த்திக்கு அவசியமில்லாத ஊருக்கு!''

நண்பியின் பொடி வைத்த கூற்று புரியவில்லை மக்கு மஞ்சுவிற்கு.

''என்னடி சொல்றே?!''

''ஏசி ஊரு! கொசு இல்லா நாடு! நீயே கண்டுபுடி!''

விடுகதையாய் ஒரு பதிலை சொன்ன அனிதாவோ முன்னிருந்த சினேகிதியின் கருவிழிகளில் பனி சூழ்ந்த கொசுகு இல்லா ஐஸ்லாந்தை இப்போதே சிலாகிக்க ஆரம்பித்து விட்டாள்.

சுபம்!