அத்தியாயம்: 95

[KD]

அத்தியாயம் 95

மண்டபம் கோலாகலம் கொண்டிருந்தது.

இளம் தொழிலதிபர்களுக்கான விருது வழங்கும் ஃபங்சன் அது. குறிப்பாய், மகளிருக்கான நிகழ்வது.

ஆண்டுதோறும் மிக விமரிசையாகவே நடத்திடுவார்கள் எஸ்.எம்.ஈ. எனும் நிறுவனம் தொழில்முனைவர்களுக்கான சிறப்பு விருது விழா அதை.

அப்ளிகேஷன் போட வேண்டியது மட்டும்தான் பிஸ்னஸ்காரர்களின் வேலை. தேர்வாகி விருது வாங்குவதெல்லாம் நிகழ்ச்சிக்கு வந்தால் மட்டுமே தெரியும்.

அதைத்தாண்டி பெருமளவில் பிஸ்னஸ் நடத்தும் மேக்நாட்ஸ், நட்டு, ஆணி, போல்ட் என்று எல்லாருமே இவ்விழாவின் சிறப்பு விருந்தினர்களே.

''Dear ladies and gentlemen's! Thank you for waiting patiently. Please be ready. The most awaited time has arrived. I'm going to blast the special one's name for the precious award as we all are very keen to know who is the luckiest person who is going to grab the iconic award of 2022's lady boss!''

(அன்புள்ளங்களே.. பொறுமையாய் காத்திருந்ததற்கு நன்றி. அனைவரும் தயாராக இருப்பதை அறிவேன். நீங்கள் எதிர்பார்த்து காத்திருந்த நேரம் வந்துவிட்டது. ஆம், 2022ஆம் ஆண்டுக்கான லேடி பாஸ் விருதைப் பெறப்போகும் அந்த அதிர்ஷ்டசாலி யார் என்பதை அறிய நாம் அனைவரும் ஆர்வமாய் காத்திருக்கும் இவ்வேளையில் மதிப்புமிக்க இவ்விருதை பெறப்போகும் தகுதியான பெண்ணின் பெயரை நான் இப்போது சொல்ல போகிறேன்!'')

என்ற முந்தைய ஆண்டின் பெண் வெற்றியாளரின் அறிவிப்பை கேட்ட அரங்கமோ நுனி காலில் ஐஸ்கட்டி கொண்டது போல் உறைந்து காத்திருந்தது ஆவலோடு.

இருக்காதா பின்னே, ஐம்பதாயிரம் ரொக்கமும் கூடவே வீடு கார் என்று ஏராளமான பொருள்கள் எல்லாமே சகட்டு மேனிக்கு இலவசமாய் கிடைக்கும் இவ்விருதை பெறப்போகும் சாதனையாளருக்கு.

''The 2022 Lady Boss award goes to Miss Visaka Devendran''

(2022ஆம் ஆண்டின் லேடி பாஸ் விருதை வென்ற சாதனையாளர் குமாரி விசாகா தேவேந்திரன்!)

என்ற அறிவிப்பில் அரங்கமே ஆரவாரம் கொண்டது. கைத்தட்டல்களே சொல்லியது விருதுக்கு எத்துணை தகுதியானவள் விசா என்று.

அலரவளின் பூமுகம் மலர,

''வாழ்த்துக்கள் மிஸ் மூக்கு சளி..''

என்ற ப்ரீதனோ சிரிப்பை அடக்கிய நக்கலோடு உதடுகள் மடக்கி வாய் பொத்தி நகைத்தான்.

கிண்டலை முறுவல் கொண்டு முறைத்தவள் லேசாய் அவனின் தோளை தட்டி எழுந்து போனாள் மேடைக்கு விருதை பெற.

''Good Evening everyone. I wish to talk in mother tongue Tamil. Speaker kindly translate for me. Thank you.''

(அனைவருக்கும் மாலை வணக்கம். நான் என் தாய்மொழியான தமிழில் பேச விரும்புகிறேன். ஸ்பீக்கர் தயவுசெய்து எனக்காக மொழிபெயர்த்திடுங்கள். நன்றி)

என்றவளோ ஆங்கிலத்துக்கு விடைக்கொடுத்து நீண்டதொரு மூச்சை இழுத்து விட்டாள் தமிழில் பேசிட தயாராகி.

ஒருமுறை கையிலிருக்கும் விருதை உற்று நோக்கினாள் நங்கையவள். அதில் ப்ரீதனே தெரிந்தான். கலங்கின அம்பகங்கள் அணங்கவளுக்கு சில பழசெல்லாம் நினைவுக்கு வர.

முட்டிய அழுகையை கிடப்பில் போட்டு மைக்கை ஆன் செய்தாள் நுண்ணிடையாளவள்.

''ஒரு ஆணின் வெற்றிக்கு பின்னாடி பெண் இருப்பது ரொம்பவே சாதாரண விஷயம். அம்மா, அக்கா, தங்கை, காதலி, மனைவி, மகள் இப்படி யாராவது ஒருத்தர் அந்த ஆணுக்கு உந்துதலா இருந்து அவுங்கள வாழ்க்கையிலே பெரிய ஆளா ஆக்கிருப்பாங்க..''

என்றவளின் கண்கள் வாஞ்சையாய் நோக்கியது மேடைக்கு கீழ் ரவுண்ட் டேபிளில் அமர்ந்திருந்த ப்ரீதனை.

''ஆனா ஒரு பொண்ணே பொறுத்த வரைக்கும் இதெல்லாம் சாதாரண விஷயமே இல்லே! அதுவும் நிர்கதியா நின்ன எனக்கு உறுதுணையா இருந்ததெல்லாம் என் பார்ட்னர்.. என்னோட பார்ட்னர்.. குகப்ரீதன்தான் மட்டும்தான்!''

என்ற ஆயிழையின் வார்த்தைகளில் சிவந்தான் ப்ரீதன் சட்டென மனசுக்குள் பட்டாம் பூச்சி பறக்க பூவையின் பூவிதழ்கள் உதிர்த்த என் பார்ட்னர் என்ற வார்த்தையில்.

''இந்த விருதே நான் அவர் கையாலே வாங்க ஆசைப்படறேன்.. உங்க எல்லாருக்கும் ஓகேதானே..''

என்ற வதனியின் ஆசைக்கு ஒரு மண்டபமே கூடி சொன்னது பேபி சீட்டரின் பெயரை கந்தக்கவசம் போல்.

ஸ்பீக்கரும் நன்றாகவே ஒத்து ஊதினார் ப்ரீதனை மேடைக்கு வரச்சொல்லி.

முகிழ்நகை கொண்டவனோ மேடையில் நிற்பவளை ஏன் இப்படி என்று பார்க்க பாவையவளோ காத்திருந்தாள் ஜொலிக்கும் கடல் நீல ஜிகினா புடவையில் அவன் கட்டாயம் மேடை ஏறிட வேண்டும் என்ற தீர்மானத்தோடு ஆணவனை மயக்கும் பார்வை பார்த்து.

வேறு வழியில்லா ப்ரீதனோ நாற்காலியிலிருந்து எழ லெஃப்ட் ரைட் மெம்பர்ஸ் எல்லாமே கைக்குலுக்கி வாழ்த்துக்கள் சொல்லினர் அவனுக்கு. ஏன் அவனுக்கு விஷ்ஷஸ் என்றுதான் ஆண்மகனவனுக்கு புரியவில்லை.

இருப்பினும், சிரித்த முகத்தோடு மேடை ஏறியவன் செவிகள் அப்பட்டமாய் காட்டிக் கொடுத்தன ஆணவனின் வெட்கத்தை நன்றாய் சிவப்பேறி.

சம்பிரதாயத்திற்கு சில வார்த்தைகள் பேசியவன் விசா ஆசைக் கொண்டது போல அவன் கைகளாலேயே இளம் லேடி பாஸின் விருதை விருந்தனையாக்கிட விரும்பிய விறலியிடத்தில் கொடுத்தான்.

பொக்கிஷமான விருதை நெஞ்சோடு சாய்த்துக் கொண்ட அந்திகையோ மைக்கில் சொன்னாள் ஊர் கேட்க, மீடியா குறிப்பெடுக்க.

''இந்த லேடி பாஸோட பிக் பாஸ் இவர்தான்..''

மாயோள் அவளின் வார்த்தைகளில் அரங்கம் கைத்தட்டல் கொள்ள மீடியாவோ இல்லாத கிசுகிசுப்பை உண்மையாக்க வஞ்சனியின் வாயைக் கிளறியது விழா ஒரு முடிவிற்கு வர.

''சொல்லுங்க மேடம் உங்களுக்கும் மிஸ்ட்டர் ப்ரீதனுக்கும் லவ்வுன்னு பேசிக்கறாங்களே உண்மையா..''

''ஆமாவா! அப்படியா பேசிக்கறாங்க! பரவாலே விடுங்க.. நல்லாத்தானே இருக்கு!''

நடையில் வேகம் கூட்டியவள் சொல்லி சிரிக்க,

''சார் அப்போ கன்போர்மா! நாளைக்கு ஹெட்லைன்ஸ்லே போட்டுடலாமா!''

என்றொருவனின் கேள்வியில்,

''மேடம் ஹனிமூன் மொரிஷியஸா மெல்விடஸா!''

என்று கேட்டாள் பெண்ணொருத்தி.

''ஒரு பையன் போதுமா இல்லே அடுத்ததா இன்னோர் குழந்தை பெத்துக்க போறீங்களா..''

என்ற தொடர் கேள்விகளில் திக்குமுக்காடினர் ஜோடிகள்.

''ஐயோ! எல்லாம் அங்க பாருங்க!''

என்று சத்தமாய் அலறிய ப்ரீதனோ ஒருகையை மேடையை நோக்கி நீட்டியும் மறுகையால் விசாவின் மணிக்கட்டினை இறுக்கியும் பற்றினான்.

மொத்த கூட்டமும் தலையை திருப்பி மேடையை நோக்க,

''சிவாஜி செத்துட்டாரு!''

என்றவனோ மீடியா புற்றீசலிலிருந்து விசாவை இழுத்து கொண்டு ஓடினான் வெளிப்பக்கமாய்.

''பார்ட்னர்! என்னதிது!''

என்றவளோ விடாது சிரிக்க பைக் பார்க்கிங்கில், அவசர அவசரமாய் ஹெல்மட்டை தலையில் மாட்டிய ஆணவனோ ஏதும் பேசாது வதூ அவளின் ஹெல்மட்டை மதங்கியின் தலையின் அணிவித்து விட்டான்.

''என்ன பார்ட்னர்.. மீடியாக்கு பயந்து ஓடறீங்களா இல்லே மீடியா கேட்ட கேள்விக்கு பயந்து ஓடறீங்களா!''

என்றவளின் கிண்டலில் ஆயந்தியின் இடைவளைத்து இடையாளவளை முன்னோக்கி இழுத்தவனோ,

''பதில் இங்க சொல்லவா.. இல்லே லோங் ரைட்லே (long ride) சொல்லவா..''

என்றொரு எதிர் கேள்விக் கொள்ள, நெஞ்ச உரசலில் நாணிய அங்கனையோ மெதுவாய் தள்ளினாள் ப்ரீதனின் திடமான நெஞ்சை பின்னோக்கி.

லேடி பாஸின் பிக் பாஸ் நான்...
முந்தைய அத்தியாயங்களை படிக்க:

https://amydeepz.com/forums/%E0%AE%B2%E0%AF%87%E0%AE%9F%E0%AE%BF-%E0%AE%AA%E0%AF%80%E0%AE%B8%E0%AF%8D%E0%AE%9F%E0%AF%8D%E0%AE%9F%E0%AE%BF%E0%AE%A9%E0%AF%8D-%E0%AE%AA%E0%AE%BF%E0%AE%95%E0%AF%8D-%E0%AE%AA%E0%AE%BE%E0%AE%B8%E0%AF%8D-%E0%AE%A8%E0%AE%BE%E0%AE%A9%E0%AF%8D.8/