𝐂𝐇𝐄𝐑𝐈𝐒𝐇 𝐑𝐄𝐕𝐈𝐄𝐖 - 𝟐𝟎𝟓

[KD]

ஹாய் சிஸ்,

எமி தீப்ஸின் “படாஸ்”

நாயகன்: திடியுதரா ஔகத் சர்வேஷ் குமார்
நாயகி: கிருத்திகா தீனரீசன்

திடியுதரா ஔகத் சர்வேஷ் குமார்: அழுத்தமான அழகனவன் பொறுமையும் நிதானமும் கொண்டவன் யாவரிடமும். இவன் முரடன் என நிரூபிக்கும் இடம் காதல் பைங்கிளியிடமே. வித்தகனவன் மருத்துவ துறையின் விஞ்ஞானியவன். உடையவளுக்கு உயிரான ஔகத்.

கிருத்திகா தீனரீசன்: பெண் இலக்கணத்தில் சற்றே வேறுபட்டவள். தொழில் ரீதியின் கடுமை நிஜவாழ்க்கையில் அதீதாய் பிரதிபலிப்பவள். சுயம்பும் செருக்கும் அதீததமாய் கொண்ட சுந்தரி. அதுவே அவளின் ஏக குணங்களில் பெரிதான ஒன்று. அழுத்தமும் தான் என்ற அதீத நினைப்பு கொண்ட புத்திசாலியவள். மன்னவன் காதலில் உருகுபவள். உடையவனுக்கு சுவாசமான கீத்து மற்றும் கிருத்தி.

படாஸ் பெயரே சற்று வித்தியாசமாய். பெயரில் உள்ளது கதையில் உள்ளதா என கதைக்குள் சென்றால் மட்டுமே தெரியும்.

“Do not judge a book by its cover” என்ற வாக்கியத்திற்கு சால பொருந்த கூடியே கதையே இந்த படாஸ்.

“அன்பின் ஏகாதிபதிக்கு ஏங்கியவனாய் அவன்..

சொற்ப நாள் அன்பானாலும் அதை திகடாது அனுபவித்தாள் அவள்..

வாழ்வின் காலசக்கரத்தில் தான் எத்தனை மாற்றங்கள்,

மாற்றம் ஒன்றே மாறாது என்பதற்கு இனங்க..

இவர்கள் வாழ்விலும் பல மாற்றங்கள்..

சிறு பிராயணம் மன்னவன் அவனை படுத்தி எடுக்க
வாலிப பிரயாணம் அவனை சீர்படுத்தியதோ..

பெண்ணவளுக்கு அன்பின் பிரயாணமாய் நின்ற ஒன்று
அதை காலம் பறித்த கோலத்தில்
வாழ்க்கையின் ஓட்டத்தில் அவள்..

சுயமாய் தன்னை செதுக்கியவளை
அகம்பாவம் தாக்கியதோ..

அகம்பாவ சுந்தரியை
அன்பின் சுந்தரனவன் அடக்கினானோ அல்ல அடங்கினானோ..

பக்குவமில்லா வயதில் பக்குவமில்லா பல பயங்களும் செயல்களும்..

அதை ஒதுக்கி மூன்று எழுத்து மந்திரத்தில் வீழ்ந்தனரோ இவர்கள்..

வீழ்ந்தவர்கள் சில உள்ள அச்சங்களால் பிரிந்தனரோ..

பிரிந்தவர்கள் தங்கள் வாழ்வின் மறு ஓட்டத்திலோ..

வாழ்வின் ஓட்டத்தில்
எண்ணற்ற மாற்றங்கள்..

மாற்றங்கள் தொழில் ரீதியாய் நாயகியவளை தாக்கியதோ..

தாக்கிய மாற்றங்களை தன் புத்தி கூர்மையால் வென்றாளா இவள்..

எவனால் மாற்றமோ அவனின் ரசிகையானாளோ..
ஊருக்கு வில்லனவன் அவளுக்கு நாயகனாய் மாறினானோ..

அவளின் புத்திக்கு சவால் விடுத்து..
தன் அற்புத கலைகளை கையாண்டானோ அவன்..

ஓவிய கலை மருத்துவ கலை நிபுனன் அவன்
படைத்த ஓவியங்களும் கையாண்ட மருத்துவமும் யாரும் படைத்திடா கையாண்ட ஒன்றோ..

அந்தகார வில்லனவன்..
அந்திகையின் அந்திரனவன்..

கவிபுனையும் கவிஞன்..
காரிகையின் கள்வன்..

மூன்று எழுத்து வீதம்
அதை காப்பாற்றுவது எவரோ..
கடமை? காதல்?
இதில் எவையோ..

நேயம் மாறா நெஞ்சமுடன்
நேசத்தை யாசித்திட..

முற்பகல் செய்யும்
பிற்பகல் விளையும்..

அதுவும் நேர்ந்ததோ..

விஞ்ஞானம் மெஞ்ஞானம் ஆத்மஞானம் அணைத்து ஞானமும் ஞானகூத்தனின் ஞானமே என அவ் ஞானமூர்த்தி நடத்திய லீலைகள் தான் எத்தனையோ..

காரணமறிய பல வினாக்களுடன் பலர்..
ஆதிகுருவோ முடிந்தால் பரிசோதித்து பார் என்றானோ..

அவனின் முன் ஜெயித்தவர் உண்டோ..
நினைத்ததை நடத்தும் சீமுதன் அவனுக்கு நாம் நினைக்காததை நடத்தும் வல்லமையும் உண்டு என நாம அறியாமல் இருப்பதே சால சிறந்தோ ஒன்றோ.. என சிந்தித்த விடயம் பரிகாசமாய் அவன் கூறுவது அறிந்தால் ஞானியாகிடுவாயே!!

நிஜத்தை வென்றிட நிழலை படைத்தான்..
நிழலோ நிஜத்தை தூக்கி சாப்பிடும் நேரமோ..
தீயவையால் சூழ்ந்தது அதன் விதியோ..
மதியால் விதியை வென்றிட இயலாது..
தன்னை விடுத்து நல்லவை நினைற்று நன்மை பயக்கி திரியம்பகன் வரம் பெற்றனர் காதல் கிளிகள்.”🌹🌹

“பகுத்தறிவு பாடமாக..
பன்பு படிப்பாக..
பணிவு பட்டமாக..
பாசம் பக்கரசமாக..
அந்தகாரம் வெய்யோனாய் மாறிட..
நிழல்கள் துகளாய் கரைந்திட..
நிரந்தரன் வரமாய் தந்திட..
நிஜங்கள் உயிராய் நின்றிட..
வித்தகன் விகடகவியை வென்றிட..
நிழல் மறைந்து..
நிஜம் தோன்றி..
நித்தமும் அன்பெனும் மடியில் மெய்யாய் ஜனித்தனர்
இனிய மாடபுறாக்கள்.”❣️❣️

என் வாசிப்பின் யாசிப்புக்கு இனிய பஞ்சாமிர்தமாய் இருந்தது படாஸ். அதை பக்குவமாய் கையாண்ட ஆசிரியருக்கு என் மனமார்ந்த வாழ்த்துகளும் பாராட்டுகளும் நன்றிகளும்.😊😊

கதையில் எனக்கு பிடித்த வரி:

“புற கண் பார்க்காதே! அக கண் பார்!.

மேலும் பல கதைகள் எழுதிட என் அன்பு வாழ்த்துகள்.💐💐

அன்புடன்
ஸ்ரீராஜ்..

நாள்: 03 December 2023.

படாஸ் முழுத்தொகுப்பு படிக்க:

https://amzn.eu/d/5PGdJlp