- Joined
- Jul 10, 2024
- Messages
- 498
அத்தியாயம் 5
கடந்தகாலம்
அட்சரா அலுவலக அறை
''பிளீஸ் அட்சரா! என்னாலே நிலா இல்லாமே இருக்க முடியாது! தயவு செஞ்சு இந்த கல்யாணத்துக்கு ஒத்துக்கோ!''
இந்தர் தங்கையிடம் கெஞ்சினான்.
''உனக்காக என் வாழ்க்கையே அழிச்சிக்க சொல்றியா?! என்ன அண்ணன் நீ?! எல்லாரும் தங்கச்சிக்காக என்னன்னவோ பண்ணுவாங்க! ஆனா, நீ என்னன்னா, உனக்காக என்னே கல்யாணம் பண்ணிக்க சொல்லி வற்புறுத்தறே?!''
ஆபிஸ் அறைக்குள்ளிருந்த கோமகளோ காட்டு கூச்சல் கொண்டாள், கடந்த ஒரு வாரமாகவே திருமண விஷயம் மலரவளை காண்டாக்கி இருக்க.
''என்ன வேறே என்னதான் பண்ணே சொல்றே அட்சரா?! பிரச்சனை பண்றது அவுங்க இல்லே! நம்ப அம்மா!''
''இந்த அம்மாக்கு அறிவே இல்லே! யாரே கேட்டு இப்படி ஒரு முடிவு எடுத்தாங்க?! கட்டிக்க போறே என்னே ஒரு வார்த்தை கேட்கணுங்கற இங்கீதம் கூட அவுங்களுக்கு இல்லையா?!''
சளித்துக் கொண்டாள் கையிலிருந்த பேனாவை தூரமாய் விசிறியடித்தவள்.
''எனக்குமே நிஜமாவே தெரியாது அட்சரா, அம்மாவும் அப்பாவும் இப்படியொரு ஐடியாவோடதான் (idea) நிலா வீட்டுக்கு பொண்ணு பார்க்க போகவே ஓகே சொல்றாங்கன்னு!''
மேஜைக்கு நேரெதிரே இருந்த சோபாவில் அமர்ந்திருந்த இந்தரோ பாவமாய் சொல்ல,
''நடிக்காதே! அங்க நடந்த கூத்தையெல்லாம் வேடிக்கை பார்த்திட்டு, உன் காரியத்துலே மட்டும் கண்ணா இருந்திட்டு, இங்க வந்து டயலாக் அடிக்கிறியா, ஒன்னும் தெரியாதவன் மாதிரி!''
''ஐயோ, அட்சரா நான்..''
என்று பேச முனைந்த இந்தரையோ,
''பேசாமே ரூம் விட்டு வெளியே போயிடு! உன் வாழ்க்கையே மட்டும் உனக்கு ஏத்த மாதிரி அமைச்சுக்கிட்டு என் தலையிலே மண்ணள்ளி போட்டுட்டல்லே! ஒழுங்கு மரியாதையா போயிடு! என் கண்ணு முன்னுக்கு நிக்காதே! போயிடு!''
அண்ணன் என்பதை மறந்து தங்கை அவள் கதங்கொண்டு ஆவேச காளியாய் அவதாரம் கொண்டு அலற, இந்தரோ அவள் நிலை உணர்ந்தவனாய் மறுவார்த்தை ஏதும் பேசாது அங்கிருந்து நகர்ந்தான்.
*****************************************
கடந்தகாலம்
வேதாவின் படுக்கையறை
''அண்ணா, உனக்கு நிஜமாவே அவரோட தங்கச்சியை கட்டிக்கறதுக்கு சம்மதமா?!''
நிலா கதவோரம் நின்று வினவினாள்.
''இப்போ வந்து கேட்கறே?! ஏன், இந்தர் கேட்க சொன்னாரா?!''
மெத்தை விரிப்பை சரி செய்துக் கொண்டே முறுவலித்தான் வேதா.
''இல்லண்ணா, நானாதான் கேட்கறேன்!''
''நிலா, அப்பா அம்மா பார்த்து எனக்கு என்ன செஞ்சாலும் அது நல்லதாதான் இருக்கும்!''
''அப்போ, நான்தான் அவசரப்பட்டு காதல் பண்ணிட்டேன்னு சொல்றியா?!''
''அப்படியில்லே! உனக்கு இருக்கற அளவுக்கு நேரம் எனக்கில்லன்னு சொல்றேன்! நீயே பார்க்கறதானே, தினமும் நான் வேலை முடிஞ்சு வரவே ஆஞ்சு ஆறாகிடும்! அதுக்கு அப்பறமும் அங்க இங்கன்னு யாராவது கூப்பிட்டா சம்பாரிக்க ஓடிடுவேன்! அப்போ, அப்பா அம்மாதானே எனக்காக இதையெல்லாம் பார்த்து பண்ணி வைக்க முடியும்!''
நிலைமையை எடுத்துரைத்தான் வேதா.
''என்னவோ போ! எனக்கு மனசென்னவோ ஒரு மாதிரியாவே இருக்குண்ணா!''
மஞ்சத்தில் அமர்ந்து தலை குனிந்தாள் வருத்தமாய் நிலா.
''கல்யாணம் தேதி குறிச்சாச்சு, இனி கல்யாணம் வரைக்கும் இப்படித்தானே இருக்கும்! எத்தனை படத்துல பார்த்திருப்போம்!''
நக்கலடித்தான் அண்ணன் அவன்.
''அது இல்லண்ணா! இந்தர், வீட்டோட மாப்பிள்ளையா வர்ற ஐடியாவையே பேசாமே எல்லாரும் ஓகே பண்ணிருக்கலாம்! இல்லே, பேசாமே நானே கூட அவுங்க வீட்டுக்கு போயிருக்கலாம் எல்லா பொண்ணுங்க மாதிரியும்! உனக்கு அவர் தங்கச்சியை கட்டறது பத்தியெல்லாம் பேசி, தேவை இல்லாமே ஏதோ உன்னே சிக்கல்லே மாட்டி விட்ட மாதிரி குற்ற உணர்ச்சியா இருக்குண்ணா!''
''ஏன் நிலா, அந்த பொண்ணே நான் கட்டறதுலே நீ இவ்ளோ பதட்டம் காமிக்கறே?! எனக்கு புரியலே?!''
''இந்தர் சொல்லிருக்காருண்ணா, அவர் தங்கச்சி ரொம்ப கோபக்காரியாம்! எடுத்தெறிஞ்சு பேசுவாளாம்! ரொம்ப திமிரா நடந்துப்பாளாம்! யாரையும் சரியா மதிக்கக்கூட மாட்டாலாம்! அவுங்க அம்மாக்கு மட்டும்தான் அடங்கி இருப்பாளாம்!''
நிலா கலக்கத்துடன் சொல்ல, வேதாவோ இதழோரம் புன்னகை கொண்டு,
''இதெல்லாம் ஒரு விஷயமா?! ஆம்பளைங்க பேர் போடற துறையிலே ஒரு பொண்ணு தனியாளா நின்னு போட்டி போடணும் அப்படின்னா, இப்படித்தானே இருக்க முடியும்?! இல்லாட்டி, எல்லாம் ஏறி மிதிச்சிட்டு போயிட மாட்டாங்களா?!''
''இருந்தாலும், பொண்ணுன்னா கொஞ்சமாவது அடக்கம் வேணும்ணா! அட்சரா அப்படி இல்லே! நானே நிறைய தடவை இந்தர் போன்லே பேசும் போது கேட்டிருக்கேன்! எப்போ பாரு சிடுசிடுன்னு!''
கோணியது நிலாவின் முகம் அண்ணனின் வருங்காலத்தை பற்றி பேச,
''நிலா, யாரையும் நாமே ஒரு சில விஷயங்களை மட்டுமே வெச்சு அவுங்க இப்படித்தாங்கற முடிவுக்கு வந்திடக்கூடாது! பழகி பார்த்த பிறகுதான், யார் எப்படின்னே நமக்கு தெரியும்!''
''என்னண்ணா இப்பவே பொண்டாட்டிக்கு சப்போர்ட் (support) பண்ற போலே?!''
கிண்டலாய் சொல்லி தங்கையவள் சிரிக்க,
''ஆமா! ஆமா! வருங்கால அண்ணியே பத்தி இப்பவே புரணி பேசறே நாத்தனாரை கவனிக்க சொல்லி அட்சராக்கிட்டையே போட்டுக் கொடுக்க போறேன்!''
என்ற வேதாவோ சிரித்தவனாய் நக்கலடிக்க,
''ஆளே விடுப்பா சாமி! நீயாச்சு, உன் பொண்டாட்டியாச்சு!''
என்ற நிலாவோ சிரித்த மேனிக்கு அண்ணனிடமிருந்து தப்பித்து ஓடினாள்.
**********************************
கடந்தகாலம்
மாதவியின் படுக்கையறை
''மா! ஏன்மா எனக்கு மட்டும் இப்படி?! மாமாக்கு ஏன்மா என்ன கட்டிக்க புடிக்கலே?!"
தாயின் மடியில் படுத்து ஒப்பாரி வைத்தாள் மாதவி.
''அவனுக்கு அவுங்க அப்பம்மா வார்த்தைதான் வேதவாக்கு! அவுங்க கிழிச்ச கோட்டை தாண்டிடவே மாட்டான்!"
''மா, பேசாமே நான் கையே வெட்டிக்கவா?!''
மேலெழும்பி மனதில் தோன்றியதை பெண்டு அவள் வாய் உதிர்க்க,
''நீ கழுத்தையே அறுத்துக்கிட்டாலும், அவன் உன் கழுத்திலே தாலி கட்டிட மாட்டான்டி முட்டாள்!''
''அப்போ நான் என்னதான்மா பண்றது?! எனக்கு மாமா வேணும்!''
''சும்மா மாமா வேணும்! மாமா வேணும்னா! எல்லாத்தையும் நானேவா சொல்லிக் கொடுக்க முடியும்?!''
''என்னமா சொல்றே?! எனக்கு புரியலே?!''
''அவ்ளோ திறமையா இருந்திருந்தா, இந்நேரத்துக்கு அவன் புள்ளையே வயித்துலே வாங்கியிருப்பே! ஊர் கூடி காரி துப்பிருந்தாலும் அடுத்த முகூர்த்தத்துலையே அவனுக்கு பொண்டாட்டியா ஆகியிருப்பே!''
''மா, உனக்கென்னே புத்திகித்தி கெட்டு போச்சா?! இப்படியெல்லாம் பேசறே?!''
அதிர்ச்சிக் கொண்டாள் மகளவள் தாய் சொன்ன விடயத்தில் அதிர,
''பின்னே, வேறே என்னத்த சொல்ல சொல்றே என்னே?! நானா மாமா வேணும், மாமா வேணும்னு கதறிக்கிட்டு இருக்கேன்! நீதானே பொழுதனைக்கும் அவன் புராணம் பாடி உசுரெடுக்கறே! அதான், தத்தியா இல்லாமே இருந்திருந்தா, இந்நேரத்துக்கு பொழைக்க தெரிஞ்ச புள்ளையா வாழ்ந்துக்கிட்டு இருந்திருப்பன்னு சொல்றேன்!''
அம்மாவின் வார்த்தைகள் மாதவியை முட்டாளாரென்று சொல்லாமல் சொல்ல, மனசை தொலைத்த பேடையோ கண்ணீரோடு திரும்பி படுத்துக்கொண்டாள்.
யார் நெருங்க யார் நொறுங்க...
Author: KD
Article Title: நீ நெருங்க நான் நொறுங்க! : 5
Source URL: Amydeepz-https://amydeepz.com
Quote & Share Rules: Short quotations can be made from the article provided that the source is included, but the entire article cannot be copied to another site or published elsewhere without permission of the author.
Article Title: நீ நெருங்க நான் நொறுங்க! : 5
Source URL: Amydeepz-https://amydeepz.com
Quote & Share Rules: Short quotations can be made from the article provided that the source is included, but the entire article cannot be copied to another site or published elsewhere without permission of the author.
