அவ்வளவுதான்..

[Admin 1]

அவ்வளவுதான்..

இனி சொல்வதற்கு ஒன்றுமில்லை..

சொன்னது என்னவோ சூழ்நிலைதான்..

ஆனால்..

உன் கண்கள்

இதற்காகத்தானடி..

இக்கடைகண்ணின் பார்வைக்காகதானடி..

நிலா உறங்கியும் நானுறங்காது இருக்கிறேன்!

புலனம் நீயின்றி வெறுமையாக கிடக்கிறதடி!

நீ அழித்த எல்லாம் அழியாது என்நெஞ்சில் உள்ளதடி!

அம்போவென்று விட்டு போய்விட்டாய்

யாரோவாக தவிக்கிறேனடி!

அரவணைக்க என்னடி..

ஆறுதல் சொல்லக்கூட ஆளில்லையேடி!

அலைக்கழிக்கும் அம்புலி நீ!

ஆட்டிப்படைக்கும் ஆம்பல் நீ!

இதமான இந்து நீ!

கல்நெஞ்சு கலாவதி நீ!

குழப்பமான குரங்கி நீ!

சஞ்சலமான சந்திரிகை நீ!

சில்மிஷம் கொள்ளும் சந்திரப்பிரமை நீ!

தவிக்க விடும் திங்கள் நீ!

நித்திரை பறிக்கும் என் நிலவு நீ!

நேசமில்லா நேத்திரயோனி நீ!

பருவம் தின்னும் பருவதி நீ!

கொதிக்கும் பனிச்சுடர் நீ!

வஞ்சங்கொண்ட வராளி நீ!

காதலில்லா வள்ளி நீ!

வெட்கமற்ற வான்மதி!

வியக்க வைக்கும் விலாசி!

வேடிக்கை பார்க்கும் வெண்மதி!

கரையா வெண்ணிலவு நீ!

தொலைதூர வெண்ணிலா நீ!

என் அமாவாசையில் பௌர்ணமி நீ!

❣️ கேடி