பைத்தியத்தை கண்டதுண்டா?!

[Admin 1]

பைத்தியத்தை கண்டதுண்டா?!

சட்டையை கிழித்துக் கொண்டு

ரோட்டில் அலையும் மனப்பிறழ்வு கொண்ட உயிரல்ல!

உசுரெடுக்கும் கிறுக்கி!
நைநையென்று செவிடாக்கும் மடச்சி!

டி போட்டால் புடிக்காதாம்

வா போ என்றாலும் பல்லை உடைப்பாளாம்

இவளா மரங்கழண்டவள்?!

சத்தியமாய் இவளேதான்!

குழப்பியடிக்கும் குரங்கியாம்!

கேட்டதெல்லாம் சொல்வாளாம்

நானும் சொல்ல வேண்டி கொல்வாளாம்!

தடைகள் போட்டு தவிர்ப்பாளாம்

நான் ஹ்ம்ம்ம் அனுப்பினால் மட்டும் முறைப்பாளாம்

ஓகே சொன்னால் முடியாதாம்

சரி கூட வேண்டாமாம்!

வளர்ந்த குழந்தையாய் அவளிருக்க!

வளர வைக்க நான் முயற்சிக்க

அறியாமை இல்லை தெரியாமை என்றுணர்ந்த நேரமோ

உலகம் எல்லோருக்கும் ஒன்றல்ல என்பதை அறிந்தேனோ!

மழலையாய் அவள் முகம் ஏந்தி

முகம் மூடிய சால்வை விலக்கி

ஏங்கிய விழி பார்த்து

கலங்கிய முழி துடைத்து

கதுப்பின் கனல் சீண்டி
செவியோர குழல் ஒதுக்கி

நுதல் தொட்ட வாசம் பிடித்து

இதழொத்தி முத்தம் வைக்க

பிறை கொண்ட நடுநிசியோ

பொறாமையில் வெந்து

பரிதியாய் உதிக்குமடி

இனி அதிரல் நீ மணக்க

அருகனின் ஆசி நிலைக்க

உனை கடத்தி போவான்

இந்த கேடியடி!

கேடி ❤️